CAGAYAN DE ORO CITY – Milig-on pa ang ebidensya nga gihuptan sa Criminal Investigation and Detection Group o CIDG-10 batok sa kanhi sundalo nga naghupot sa ilegal nga armas sa Manolo Fortich,Bukidnon.
Kini human andam na dad-on sa sala ni Presideng Judge Mirabeaus Undalok, sa Regional Trial Court, 10th Judicial Region, Branch 43, Gingoog City ang suspek nga si Remuel Warguez, 48 anyos, minyo, retired enlisted personnel sa 52nd Engineering Brigade, ug molopyo sa Isabel Village, Brgy. Tankulan, Manolo Fortich.
Segun sa report, gipalugwa sa korte ang search warrant batok sa suspek human gibalandra niini sa facebook ang iyang mga armas.
Napamatud-an sa korte nga wala kini nga lisenya.
Atol sa pagronda sa iyang panimalay, lakip nga narekober sa 60 gramos nga shabu nga may street value nga dul-an P400,000.
