CAGAYAN DE ORO CITY – Tukuron ni PNP chief Gen Archie Gamboa ang task force aron maoy modawat sa tanan reklamo batok sa dinakpan nga si Kabus Padatoon o KAPA founder Joel Apolinario.
Kini tungod sa gilauman sa PNP nga pagdagsa sa mga reklamo sa investors nga nailad sa grupo ni Apolinario.
Gihimo ni Gamboa ang komento nunot sa iyang paghatag saulod sa kapolisan sa Caraga Region ug ubang govt agencies aron madakpan si Apolinario nga nagtagu-tago sa Surigao del Sur sa miaging adlaw.
Una nang kasuhan sa upat ka kasong kriminal si Apolinario tungod sa daghang armas nga nakuha sa iyang mansion dihang gisilbi ang search warrant batok kaniya diin duha sa iyang mga sakop ang namatay kay mihimo’g pagsukol.
Samtang gipanganti sa kapolisan nga mabulit sa mga kaso si Apolinario ug 25 ka kauban.
Gibutyag ni Caraga PNP spokesperson Major Renel Serrano nga maoy atubangon ni Apolinario ug mga kauban ang kasong illegal position of firearms and ammunition, illegal position of explosioves, direct assault ug illegal assembly.
Mingon si Serrano nga hayang dili makapyansa si Apolinario tungod sa mga bug-at nga kaso niini.
Si Apolinario ang may kaso usab nga syndicated estafa tungod sa libuang katawhang nailad niini sa ilang grupo.
Samtang giimbestigaran sa kapolisan kon may mga kanhi sakop sa Philippine National Police nga kauban ni Apolinario.
Gibutyag ni Serrano nga nagpadayon ang profiling sa 25 ka miembro sa KAPA nga nadakpan nila sa miaging adlaw.
Gibutyag ni Serrano nga nagsilbi usab nga goons ni Apolinario ang mga tawo diin nakig-engkuwentro sa mga otoridad hinungdan nga napatay ang duha sa mga sakop sa KAPA.
Dugtong niini,gikalipay ni National Bureau of Investigation o NBI-10 regional director Patricio Bernales nga ang kasong syndicated estafa nga ilang giimbestigaran ug naduso sa korte ang kabahin sa basehan aron madakpan si Apolinario.
Kini human kabahin ang Northern Mindanao nga nasudlan sa pagpangilad sa KAPA diin na-ronda pa ang mga opisina niini sa Opol ning lalawigan ug Valencia City sa Bukidnon sa miaging tuig.
Miingon si Bernales nga nagpakita lamang kini nga bisan sa impluwensiya ni Apolinario apan wala kini ilha sa balaod rason nga nadakpan sa PNP-Caraga sa Surigao del Sur.
