CAGAYAN DE ORO CITY – Namatay pinaagi sa cardiac arrest ang usa ka lalaki nga dunay kakuyog nga batan-ong babaye sulod sa motel diha sa Brgy Kauswagan ning syudad.
Kini human dead on arrival nga nahiling sa doktor paghidangat sa Northern Mindanao Medical Center o NMMC ning dakbayan.
Giila ang biktima nga si George Mendez,43 anyos,minyo ug nagpuyo sa Brgy Patag sa dakbayan.
Miingon si Police Staff Sgt Hernan Abalde,imbestigador sa Carmen Police Station nga petsa 24 pa sa Abril nawala si Mendez hinungdan nga gipangita kini sa iyang kapikas.
Nakurat na lamang ang kapikas sa biktima dihang igo na lamang gipahibalo nga dili na kini makamata sulod sa Queensland hinungdan gidala sa ospital.
Nasuta usab nga giingong mitumar sa sex enhancer ang biktima diin nakahukas nang naabtan sa roomboy sulod sa kuwarto samtang ang kaubang babaye ang hilom na nga mibiya niini.
