CAGAYAN DE ORO CITY – Nadakpan sa hiniusang police operations ang usa ka lalaki nga suspek paghimo’g mga peke nga travel authority ug medical certificate ning syudad.
Kini human gilusad sa PNP Anti-Cybercrime Unit 10 ang entrapment operation batok sa wala una hingangli nga suspek diha sa Chavez-Corrales Streets ning syudad.
Miingon si Police Maj Vincent Magto sa PNP Anti-Cybercrime Unit 10 nga may ilusad pa sila nga operasyon hinungdan gipugngan una ang pagbutyag sa pangalan sa maong suspek.
Una niini,gireklamo ni City Health Office head Dr Lorraine Nery ang pagpanggawas sa mga peke nga medical certificate diin nangabot sa ubang bahin sa pulo sa Mindanao.
