CAGAYAN DE ORO CITY – Gipangita sa kapolisan ang tulo ka suspek nga miunay pagpatay sa ilang paryente sa Purok 3 Base,Camp Maramag,Bukidnon.
Giila ang mga suspek nga si Juven Jerven ug ang magsuong Christoper ug Roland Jorillo nga pulos residente sa maong lugar.Gibutyag ni Lt. Col. Casan Ali,hepe sa Maramag Police Station nga pauli na ang hubog nga biktimang si Julieto Orlasan, 37-anyos dihang kalit kining gitigbas ug gidunggab sa mga suspek.
Nadala sa ospital ang biktima apan gideklarang patay tungod sa naangkon niining samad sa ulo ug likod.
Miingon si Ali nga nagsumikad ang away sa biktima ug mga suspek niadtong tuig 2019 tungod lamang sa giputol nga saging.
