CAGAYAN DE ORO CITY – Mahibaw-an karong semanaha kon kinsa ang mga kandidato nga molangkob sa Partido Padayon Pilipino nga mo-atbang sa ONE KAGAY-AN, KAUBAN ANG KATAWHAN COALITION nila ni City Mayor Rolando ‘Klarex’ Uy ug 2nd District Cong. Rufus Rodriguez.
Miingon si Misamis Oriental 2nd District Cong. Bambi Emano nga nagka-estorya na sila ni 1st District Cong. Lordan Suan kabahin sa mga kandidato nga dad-on nila alang sa 2025 elections.
Apan nagdumili pagtug-an ang kongresista sa Bombo Radyo kinsa ang kandidato pagka-mayor,bise-mayor ug kongresista sa distrito dos kay ang grupo ni Suan ang pormal nga mopadayag niini sulod ning semanaha.
Hisayrang gihulatan sa katawhan kon dad-on ba ni Suan si Atty Oscar Moreno o kanhi Phividec administrator Pompee La Viña pagka-mayor aron isungag sa alyansa usab nila ni City Mayor Rolando ‘Klarex’ Uy ug Rodriguez.
