CAGAYAN DE ORO CITY – Gikasuhan usab sa kapolisan ang magtiayon nga misupak sa akta republika 11332 o Mandatory Reporting of Notifiable Diseases and Public Health Events of Public Health Concern ug Resistance and Disobedience to Person in Authority ubos sa Article 151 of Revised Penal Code sa Ozamiz City.
Kini human gipaapas sa usa ka locally stranded individual o LSI nga lalaki ang iyang kapikas sa isolation facility samtang mipaubos sa 14 days mandatory quarantine.
Miingon si Lt Col Sherwin Lapiz,hepe sa Ozamiz City Police Office nga mismo ang crew sa hotel ang mi-report kanila nga dili na gatultol ang LSI sa iyang kuwarto apan ngadto sa giabangan nga lawak sa kapikas niini.
Tungod sa hitabo,sila gikasuhan hinungdan nga nangapriso sa maong lugar.Gitakdang ipailawom usab sa rapid test ang magtiayon samtang gihulat makapiyansa sa giatubang nga kaso.
