CAGAYAN DE ORO CITY – Kumbinsido ang kapolisan nga nalumos ug walay foul play ang kamatayon sa magtiayong Ferdinand ug Teresita Halasan,pulos hingkod ang panuigon nga residente sa Brgy Triunfo,Ozamiz City.
Kini human nahulog sa dagat ang gisakyan sa mga biktima nga Toyota Vios kolor itom sa dagat samtang gisubay ang Diversion Road sa maong lugar sa miaging kadlawon.
Miingon si Ozamiz City Police Station commander Lt Col Sherwin Lapiz nga gihatod sa mga biktima ang ilang mga kauban simbahan gikan sa salo-salo dihang pag-uli nila nadisgrasya ang sakyanan ug nahulog sa dagat.
Una nang nasuta nga nakainom ang biktima nga si Ferdinand samtang nagmaneho sa sakyanan.
