CAGAYAN DE ORO CITY – Gitratar sa kapolisan nga divertionary tactic sa rebeldeng New People’s Army o NPA ang pagsunog sa lain mga ekipo sa quarry operations sa Brgy Napaliran,Balingasag,Misamis Oriental.
Kini human naipit sa militar ang mga rebelde nga responsable sa unang pagsunog sa upat ka sakyanan sa Del Monte Philippines sa Brgy Bulahan,Claveria.
Gibutyag ni Misamis Oriental Provincial Police Office spokesperson Lt Theofratus Pia nga ang pakyas paghatag sa Basoy Group of Companies sa revolutionary tax ang rason nga gisunog ang mga sakyanan nga anaa sa quarry site.
Natigayon usab ang pila ka minutos nga engkuwentro tali sa militar batok rebelde diin may narekober nga armas kagahapon sa hapon.
