CAGAYAN DE ORO CITY – Giduaw ug gipasidunggan sa Police Regional Office 10 ang mga pulis nga nakig-engkuwentro sa rebeldeng New People’s Army o NPA sa lungsod sa Concepcion,Misamis Occidental.
Kini human personal gibisita ni PRO-10 Director Brig Gen Rolando Anduyan ang upat ka pulis nga unang gitiraha’g M203 sa mga rebelde samtang nagbantay sa quarantine control point sa maong lugar.
Miingon si Anduyan nga kasuhan usab nila sa murder ug frustrated murder ang mga rebelde nga mihimo sa pag-atake.
Una nang namatay sa engkuwentro si Cpl Marvin Intong samtang luwas na sila si Staff Sgt Larry Millan,Cpl Leo Gumasid ug Patrolwoman Richel Tanola.
