CAGAYAN DE ORO CITY – Naka-kustodiya sa Department of Trade Industry o DTI ang 289 ka suspected cigarette packs gikan sa nadakpan nga minor de edad nga naharang sa checkpoint sa Brgy San Martin,Villanueva,Misamis Oriental.
Namahayag si Misamis Oriental Police Provincial Office Director Col. Wilbur Salaguste nga maoy nakadakop sa maong menor de edad ang tropa sa 1st Provincial Mobile Force Company samtang sakay sa motorsiklo diin kargado ang mga kontrabando.
Siya miingon nga gitugyan na usab nila sa Municipal Social Welfare and Development Office ang batan-on alang sa diversion program.
Una nang gipalig-on sa gobierno ang anti-smuggling operations gamit ang PNP aron makatabang sa Bureau of Customs pagsumpo sa mga sindikato nga utok sa pagpalusot sa mga kontrabando.
