CAGAYAN DE ORO CITY – Giangkon sa kapikas ni Police Master Sgt Jason Magno nga si Vivian nga mas prioridad gyud niini ang pag-una’g tabang ngadto sa iyang isig-katawo.
Kini ang emosyonal nga pagtug-an ni Gng Magno kon unsa ka dakong kawad-on sa katawhan ang pagpanaw sa iyang bana.
Gani,miabot sa punto nga mahayan na ni Gng Magno ang bana nga pulis kay mas giuna ang laing mga tawo itandi nila nga pamilya niini.
Kini ang hinungdan nga naglisod silag’ adjust sa kadako’g gugma ni Magno ngadto sa katawhan.
Samtang makakompirmar ang abogado ni Ibrahim Basher nga si kanhi IBP-Misamis Oriental-CdeO chapter Atty Ed Cuaresma nga matarong nga tawo ang iyang kliyente.
Kini sukwahi sa nagkatag sa social media nga angay ikondinar ang gihimo ni Basher sa kamatayon sa police officer ug laing 17 ang samaron sa grenade explosion.
Miingon si Cuaresma nga nakurat na lamang kini nga gitabangan na’g patumba sa mga sibilyan si Basher aron mailog ang bitbit nga granada.
