CAGAYAN DE ORO CITY – Desidido ang pamilya sa motorista nga pasakaan ug kaso ang pick-up truck driver nga mibangga sa ilang kabanay sa Poblacion Libertad, Misamis Oriental.
Segun ni Police Master Sargeant Marcel Nanquil sa Libertad Police Station nga namatay sa disgrasya sa dalan ang motorista nga si Roselle Andales, 29 anyos ug molopyo sa Lubluban sa maong lungsod.
Maoy nakabangga sa motorista ang truck driver nga si Andrie Icalina, 20 anyos nga molopyo sa Bolonsori, Brgy Camaman-an ning syudad.
Gibutyag ni Nanquil nga misulay pa’g sibat ang driver sa truck apan paspas kining narespondehan sa kapolisan nga naka-augment sa Police Check point sa Sitio Bulok-bulok Brgy Matalag, Gitagum ning lalawigan.
Kasong rekless imprudence resulting to homicide ang posibleng atubangon sa nakabangga nga driver sa truck sa piskalya ning adlawa.
