CAGAYAN DE ORO CITY – Mihuyang ang employment rate tungod sa epekto sa pandemya sa coronavirus disease sa Northern Mindanao.
Kini ang gibutyag ni DOLE asst regional director Estrella Pahalla dihang gipangayuan sila’g katin-awan sa kahimtang sa panarbaho sa rehiyon sa sesyon sa city council sa syudad.
Miingon si Pahalla nga tungod sa krisis,nahagba sa 88.9 percent ang employment gikan sa 95 porsiento sa miaging tuig 2019.
Gibutyag sa opisyal nga tungod niini,anaa sa halos 2 milyon ka tawo ang under employed situation sa rehiyon.
Nagkahulugan kini nga anaa sa 11.1 percent 115-mil ka tawo ang nawad-an sa trabaho ning tuiga itandi sa 5 porsiento lamang sa 2019.
