CAGAYAN DE ORO CITY – Nadakpan sa hiniusang operasyon sa PDEA-BARMM,PNP ug AFP ang aktibong municipal councilor kuyog ang laing duha ka kanhi elected municipal councilors sa anti-drug bust operations sa Brgy Matampa,Marawi City.
Giila ni Marawi City Police Station commander Col Tomas Pantaleon ang mga suspek nga si Tagoloan Municipal Councilor Simpanor Capal Salic,kanhi councilors Esnaira Sultan Capal ug Malic Pangcoga Hadji Salit nga pulos nagpuyo sa maong lungsod.
Gibutyag ni Panteleon nga nakuha sa PDEA-BARMM gikan sa mga suspek ang usa ka kilo sa gitoohang shabu nga dunay bana-banang 6.8 milyones pesos nga estimated market value.
Nakompiskar usab ang mga sakyanan,celphones,IDs ug 1.8 milyon nga budol money nga gigamit sa operasyon kagahapong adlawa.
