CAGAYAN DE ORO CITY – Nagbahad si Pastor Apollo Quiboloy ngadto sa mga tawo nga naggamit sa pulong sa Ginoo aron matabunan ang hinangal nila nga binuhatan.
Gitumbok ni Quiboloy ang Kabus Padatoon o KAPA Community Ministry International Incorporate nga gipanguluhan sa nagpatoong Pastor Joel Apolinario.
Matud ni Quiboloy nga dili siya makatugot nga gamiton ang pulong sa Ginoo aron lamang makapanunto sa mga tawo.
‘Tungod kay nangilad ka ug gigamit ang pulong sa Ginoo,bantay ka sa ako kon dili kaluwasan ang imong dala!Ibagdok ta gyud ka
padulong sa impiyerno.Ayaw paggamit ang pulong sa Ginoo aron tabunan ang gihimo ninyo nga mga kabuang’ ingon ni Quiboloy.
Dugang ni Quiboloy kinsa nagpaila nga ‘ annointed son’sa Ginoo nga siya ang ika-kontra sa mga tawo nga padayong magtakuban apan dautan ang tinuoray nga tumong.
Samtang i-ampo na lamang ni Quiboloy nga malamdagan ang mga miembro sa Kapa nga gipanguluhan sa nagpatoong Apolinario.
Kini human saari ni Apolinario ang katawhan nga padatuon pinaagi sa paghatag sa donasyon bugti sa blessings kon dako nga interest.
Matud ni Quiboloy nga wala nagtudlo ang Ginoo nga padauton ang tawo apan mao matud pay gitudlo ang paghinulsol aron maangkon ang hingpit nga kaluwasan.
