CAGAYAN DE ORO CITY – Gikonsiderar sa kapolisan nga person of interest o POI ang negosyante nga agalon sa duha ka mamaligyaay’g asin nga gipangpatay diha sa Purok 6,Brgy Baybay,Alubijid,Misamis Oriental.
Kini human pamusila sa lima ka armadong wala mailang suspek sila Junmar Rago,35 anyos ug Paquito Abragan,39 anyos samtang namahulay na sulod sa balay sa miaging gabii.
Miingon si Alubijid Police Station commander Lt Clemencio Llido nga unang nagkalalis ang mga biktima ug ang wala una hinganli nga agalon nila tungod sa pakyas pag-remit sa 25-mil pesos nga kinitaan sa pagbaligya’g asin sa miaging semana.
Namahayag nga limitado pa ang ilang impormasyon nga nakuha kay ubos pa sa state of shock ang mga ka-relasyon sa mga biktima.
