Gihatagan sa “state banquet” o dakung pagpanihapon sulod sa Imperial Palace sila Presidente Ferdinand Marcos Jr ug First Lady Lisa Araneta.
Pulos mihatag sa managlahing mensahe ang duha ka lider nga nagsentro sa ilang kooperasyon, ug panaghiusa. Si Presidente Marcos, nagpasalamat sa gihalad nga dakung selebrasyon kanila gikan sa Emperador ug Imperatris.
Ang matag lider miila sa ilang ika-70 ka tuig nga bilateral nga relasyon ug malaumon nga kini mu-uswag pa sa daghang katuigan.
Miingon si Marcos nga ang Pilipinas ug Hapon magpadayon sa pagtinabangay aron masiguro ang kalinaw, kalamboan ug seguridad sa rehiyon.
Gihangyo usab niini ang mga kadagkuan sa gobyerno ug nga negosyante sa dugang nga kooperasyon sa ekonomiya, teknolohiya ug kultura aron mas mapalig-on ang panaghigala sa duha ka nasud
