CAGAYAN DE ORO CITY – Nakasul-ob pa sa iyang uniporme nga pulis nga sakop sa City Mobile Force Company -COCPO nga gipriso tungod sa pagpamaligya’g legal nga droga.
Kini human masikop sa drug buy-bust operation si Police Master Segeant Mariejo Molina Tejada sa Zone 3 Taboc,Opol,Misamis Oriental kagahapon sa hapon
.Gibutyag ni Opol Police Station commander Maj Ian Borinaga nga gawas sa napalit nga sachet sa gitoohang shabu kang Tejada,nakuhaan usab kini sa laing sachet sa droga nga mibalor sa gatos-mil pesos.
Samtang hugot nga gihimakak ni Tejada nga gapamaligya siya sa illegal nga droga.
Depensa ni Tejada nga planted lamang ang mga drogang nakuha sa iyang posisyon.
Namgugos si pulis nga saksi ang Ginoo nga wala siya maghimo sa maong illegal nga binuhatan.
Una nang giakusahan sa PNP nga pusher ug protektor sa ilegal nga droga ang suspek.
Samtang miapelar ang City Mobile Force Company sa COCPO sa publiko nga unta magpabilin gihapon ang pagsalig bisan nga may sakop sila nga nadakpan nga namaligyag illegal nga droga diha sa Opol ning lalawigan.
Miingon Lt. Col. Alexy Sonido, commander sa CMFC-COCPO nga ang pagkasikop sa ilang kauban ang nagpakita lamang sa ilang ka sinsero sa trabaho diin walay pilion nga dakpon.
Giawhag ni Sonido ang publiko nga dili magpanaga pagsumbong kanila kon may mamatikdang pulis nga naghimo’g dili maayong binuhatan.
Dugtong niini,gikondinar sa Cagayan de Oro City Police Office ang pagkasikop kang Police Master Segeant Mariejo Molina Tejada sa pagpamaligya sa illegal nga droga.
Gibutyag ni Cagayan de Oro City Police Office Director Col. Henry Dampal nga magsilbing warning ngadto sa PNP personnel nga nalambigit sa illegal nga kalihukan ang nahitabo kang Tejada.
Miingon si Dampal nga dili sila mokonsente sa mga dili maayong binuhatan sa ilang sakop.
