CAGAYAN DE ORO CITY – Gitumbok nga ang nabiling sakop sa teroristang Maute-ISIS ang responsable sa pagpusil-patay sa pulis nga nakasakay sa motorsiklo sa lungsod sa Brgy Kamalig,Marantao,Lanao del Sur.
Kini human naigo sa li-og si Cpl Joel Apduhan,31 anyos nga taga- Lanao del Norte ug ubos sa PNP-Maritime nga natahasan pagbantay sa Lake Lanao sa Marawi City.
Miingon si Lanao del Sur Provincial Police Office Director Col Madzghani Mukaraam nga gikan ang biktima sa tailoring shop kuyog ang backride nga sibilyan dihang kalit gipusil sa naka-motorsiklo nga gitoohang sakop sa mga terorista.
Gibutyag ni Mukaraam nga posibleng hinimuan kini sa mga terorista kay tulo na ka sakop sa state forces nga naglakip sa sundalo ug duha ka pulis nga susama ang paagi sa pagpatay niini.
