CAGAYAN DE ORO CITY – Gihimuan pa sa dugang imbestigasyon sa kapolisan ang kasong pagpamusil diin usa ka sekyu ang kompirmadong patay ug laing usa ang samaron sa Zone 2,Brgy Mohon,Tagoloan,Misamis Oriental.
Subay sa impormasyon nga nakaabot sa buhatan ni Misamis Oriental Police Provincial Office Director Col Wilbur Salaguste, giila ang namatay nga si Franklin Salon,legal ang edad ug nagpuyo sa Brgy Dayawan,Villanueva ning lalawigan.
Gipadatan pa sa medikasyon ang laing sekyu nga si Roberto Baligwas nga nahiagom gihapon sa mga igo pinusilan gikan sa dili pa tino nga kalibre sa armas.
Nasuta nga nagsilbing mga sekyu ang mga biktima sa property nga gipanag-iya sa mga Jalosjos a maong lungsod.
Hisayrang giingong gikan pa sa trabaho ang mga biktima sakay sa motosiklo dihang gipangpusil sila sa motorcycle in tandem suspects kaganihang sayo sa buntag.
