CAGAYAN DE ORO CITY – Patay ang trisikad driver tungod giingong nasubraan pag-inom sa energy drink diha sa Sereña St. Brgy Carmen ning syudad kagabii.
Giila ang biktima nga si Emel Baclay, 17-anyos ug usa ka out of school youth nga taga-Kusina,Talakag,Bukidnon.
Gibutyag sa iyaan nga si Merlyn Ondayan nga kusog moinom sa energy drink ang biktima bisan walay kaon rason gitoohan nga kamatayon niini.
Nakit-an kini nga naglingkod lamang sa iyang gimaneho nga trisikad kagabii.
Una usab niini,gibutyag ni Police Master Sergeant Francisco Tumanda sa Carmen Police Station nga bisan walay foul play ang kamatayon sa biktima apan ipaubos kini sa COVID-19 swab test.
Kini sa tuyo nga masiguro nga dili bayrus ang hinungdan sa kamatayon niini.
