Nagplano ang gobierno nga i-deport ang kapin 1-libo nga POGO workers nga anaa sa kustodiya sa Presidential Anti-Organized Crime Commission (PAOCC) sa Pasay sunod semana.
Kini tungod sa kakulang nila sa legal nga dokumento.
Sumala ni PAOCC executive director Gilbert Cruz, ang mga langyaw nga POGO workers anaa sa detention facility ug ang uban kanila nanginahanglan pa og medikal nga pagtambal sama sa dialysis ug HIV care.
Gipangandaman na sa PAOCC ang ilang pagpauli pinaagi sa pakigtambayayong sa mga langyaw nga embahada aron maproseso ang ilang travel documents, tungod kay kadaghanan wala na’y passport
Ang mga nadakpan mahimong atubangon ang kaso sa paglapas sa immigration laws sa Pilipinas ug ipapauli sa ilang nasud.(Bombo James Oliver).
