CAGAYAN DE ORO CITY – Ihinayon sa Davao based newspaper journalist Margarita Valle ang pagkaso batok sa PNP-CIDG nga midakop kaniya sulod sa airport sa Laguindingan,Misamis Oriental padulong unta sa Davao City.
Kini bisan nga nangayo na’g pasaylo kaniya ang liderato sa PNP tungod sa sayopd nga pagpatuman sa warrant of arrest batok kaniya sa miaging adlaw’ng Domingo.
Miingon si Valle nga dili mahupay sa pagpasaylo lamang ang gibati niini nga kahadlok dihang gidakop kini nga wala masayod sa iyang kasal-anan.
Una niini,gibuhian si Valle kay dili mao ang nalatid nga tawo sa warrant of arrest nga gibitbit sa CIDG-9 batok kaniya.
