Mobisita sa Pilipinas karong Hunyo ang sikat nga Chinese actress nga si Zhang Yingfei, ang mibuhi sa karakter ni “Linda Walker” sa nag-viral nga vertical drama nga The Heiress Who Won with Brains.
Sumala sa Federation of Filipino-Chinese Chambers of Commerce and Industry, tuyo sa iyang pag-anhi ang pagsuroy sa nagkalain-laing eskwelahan dungan sa pag-abli sa klase.
Kini aron ma-inspire ang mga kabataan ug mapalambo ang kamahinungdanon sa edukasyon pinaagi sa iyang sikat nga karakter.
Gawas sa edukasyon, tinguha usab sa maong organisasyon nga makatabang ang iyang pagbisita sa pagpabuhi sa turismo dinhi sa nasod. (jane abulag)
