PC: Owner
CAGAYAN DE ORO CITY-Nagsaka pa sa 146 ka tawo ang kumpirmadong namatay sa pag-igo sa sa bagyong Vinta sa Northern Mindanao sa miaging semana.
Kini human nagpadayon ang search and retrieval operations sa mga otoridad partikular sa mga lungsod nga grabeng apektado sa pagbaha didto sa Lanao del Norte.
Gibutyag ni PNP regional spokesperson Supt Lemuel Gonda nga anaa pa usab sa 46 ka tawo ang missing tungod sa kalamidad sa maong lugar.
Una niini,nagtala usab sa unom ka tawo ang nakalas samtang anaa sa tag-usa ang gikan sa Misamis Occidental ug Iligan City.
Daghang mga tulay ug tunghaan usab ang nangaguba ilabina sa Lanao del Norte tungod sa maong kalamidad.
Hisayrang anaa sa 13-mil 937 ka pamilya o 52,936 indibidwal ang nahikling sa 364 evacuation centers tungod sa mga pagbaha nga miigo sa nagkadaiyang bahin sa rehiyon.
