CAGAYAN DE ORO CITY-Gipaubos sa imbestigasyon ang duha ka miembro sa Da-esh-ISIS nga nasikop sa militar atol sa engkuwentro sa Pagayawan,Lanao del Sur.
Kini human nalusob sa 1st ID,Philippine Army ang duha ka hideouts sa mga terorista sa lungsod sa Masyu ug Pagayawan sa maong lalawigan sa miaging kadlawon.
Miingon si Joint Task Force Ranao deputy commander Col Romeo Brawner nga anaa sa 200 ka aktibong miembro sa mga terorista nga gipanguluhan sa nagkadaiyang kumander ang ilang gigukod ning panahona.
Hisayrang sa maong magkalahing engkuwentro,ubay-ubay ang giingong namatay sa mga terorista samtang unom usab sa mga sundalo ang nasamdan.
