CAGAYAN DE ORO CITY – Misaka pa sa 21 ka indibidwal ang nangabalhog sa nagkadaiyang prisohan tungod sa pagsupak sa gipakusog nga election gun ban sa rehiyon.
Kini resulta sa random checkpoints sa kapolisan ug militar isip deputy govt agencies sa Commission on Elections aron batukan ang pagsaka sa mga tawo nga biktima sa pagpamusil alayon sa nagkaduol nga May 12 elections.
Gibutyag ni Maj Joann Navarro,tigpamaba sa PRO 10 nga anaa usab sa 20 ka mugbong mga armas ug 124 ka bala ang apil sa nakompiskar sa ilang mga ginsakupan sa lower units.
Nag-atubang na usab sa duha ka mga kasong kriminal ang mga dinakpan gumikan sa ilang mga kasupakan sa balaod.
Hisayrang nga unang gisulti sa Comelec-Manila nga anaa sa 30 ka areas of concern ang Northern Mindanao ning tuiga.
