CAGAYAN DE ORO CITY-Kasuhan sa pagbaligya’g gidiling droga ang tulo ka suspek nga nasikop atol sa buy bust operation sa Purok 4, Brgy Bantangan, Valencia City, Bukidnon.
Giila ni PDEA regional director Wilkins Villanueva ang mga suspek nga si Cipriano Miaga, 31, ulitawo kinsa maoy target sa ilang operasyon sa lugar.
Nasikop usab ang kauban ni Miaga nga si Eric Tagalog, 23 ug Jevan Buquil, 20 anyos, pulos mga ulitawo ug nagpuyo sa Brgy Hagkol sa maong syudad.
Nakompiskar gikan sa mga suspek ang 10 gramos nga gitoohang shabu diin nagbalor sa 50-mil pesos.
