CAGAYAN DE ORO CITY-Nagtoo ang Special Investigation Task Group- o SITG nga nagtago ang witness sa Rotoras killing nga ilang gipangita.
Kini ang rason kon nganong hangtud karon wala pa nila kini makita taliwala nga ila nang gipakita ang cartographic sketch.
Si Cagayan de Oro City Police Office o COCPO spokesperson C/Insp Mardi Hortillosa miingon nga nasabtan niya ang gibati nga kahadlok sa witness hinungdan nga nagtago kini.
Apan gipasalig niini nga moabot gihapon ang panahon nga ila na kining makit-an.
Samtang giangkon ni Hortillosa nga wala pa sila’y mga suspek nga gikasuhan sa pagpatay kang late USTP Pres Dr Ricardo Rotoras.
Sumala ni Hortillosa nga naa sila’y listahan sa mga ngalan sa giingong person of interest sa maong krimen apan nagkinahanglan pa sila og bug-at nga mga ebidensiya aron mas molig-on ang kaso nga ilang ipasaka sa mga suspek.
