CAGAYAN DE ORO CITY- Nawad-an sa pinuy-anan ang unom ka pamilya nga nagpuyo sa duha ka andana nga pinuy-anan diha sa Zone 10,Brgy Cugman ning syudad karong hapon lamang.
Gibutyag ni Cugman Brgy Kap Ricardo Pacheco nga nagsugod ang kalayo sa lawak nga gi-okupar sa pamilya ni Edna Patayon ug gilayong mikatag sa mga katupad niini nga mga kuwarto.
Kabahin sa mga nadamyos ang mga kuwarto nga gisak-an nila ni Helen Madelo;Milagrosa Kilatan;Merly Daniel;Rhona Kilatan.
Kumpirmado usab nga naangol ang residente nga si Dodo Lacre dihang nahulog sa bangag samtang nahitagayon ang sunog.
Gibutyag usab sa Bureau of Fire Protection o BFP nga anaa sa 50-mil pesos ang structural damage sa maong sunog.
