CAGAYAN DE ORO CITY-Nag-zero casualty ang pagtamod sa katawhan sa kapaskuhan sa Cagayan de Oro City.
Kini nunot sa pagsaulog sa pasko sa katawhan nga bag-o pa nakalinggawas sa kabangis sa bagyong Vinta sa sa syudad sa miaging semana.
Gibutyag sa Bombo Radyo ni C/Insp Mardi Hortillosa,tigpamaba sa Cagayan de Oro City Police Office o COCPO nga gikalipay pag-ayo sa ilang kadagkuan nga walay bisan unsa ka firecracker related incident nga ilang na-nomitor atol sa pagsulod sa kapaskuhan sa dakbayan.
Miingon si Hortillosa nga epekto usab kini sa hugot nga kampanya nga likayan ang magpabuto sa mga pabuto aron dili matugpa sa ospital.
Dugtong niini,wala gihapon giubos sa kapolisan ang alerto ilabina nga padayong nag-atubang sa bahad sa terorismo ang dakbayan.
Hisayrang bugtong mga kaso sa pagpanunggab lamang ug aksidente sa kadalanan ang natala sa kapolisan ning syudad.
