CAGAYAN DE ORO CITY-Giangkon ni Barangay Kagawad Ramil Belatero nga dili nila ikapasalig nga makabalik sa pagtukod sa ilang panimalay ang 55 ka pamilya nga nasunugan sa Barangay Macabalan ning syudad.
Siya miingon nga pipila sa luna nga gitukuran sa mga panimalay ang gamiton sa syudad nga coastal road hinungdan nga dili nila mabutyag kon makabalik pa ba ang mga nasunugan.
Hisayran nga temporaryong gipahikling karon sa Macabalan Elementary School covered court ang 476 ka mga indibidwal nga nasunugan.
Samtang nanghangyo si Kagawad Belatero sa mga residente sa Cagayan de Oro nga tabangan ang dul-ag 500 ka indibidwal nga nasunugan sa ilang Barangay.
Matud ni Belatero nga maoy gikinahanglan sa mga biktima ang dugang gamit sa panimalay ingon man mga used clothings.
Una nang gihatagan og pagkaon sa barangay ingon man lokal nga kagamhanan ang mga nasunogan.
