PC:Ms Aicy Soriano of CdeO’s CIO
CAGAYAN DE ORO CITY-Gipadumduman karon sa simbahang Katolika ang tanang mga Kristiyano ang nahimong sakripisyo ni Kristo-Hesus aron madugtong pagbalik ang naputol nga relasyon sa tawo ngadto sa Diyos-amahan.
Kini aron dili mawad-an ang bili sa pagbuhis-kinabuhi ni Kristo aron masalbar ang kalibutan gikan sa pagsilbing makasasala sa pipila ka siglo na ang nakalabay.
Kini ang gipaabot nga mensahe sa kanhi vice president ng Catholic Bishops Conference of the Philippines o CBCP ug karon Cagayan de Oro Archbishop Antonio Ledesma dihang gipanguluhan niini ang misa ayha gibalhin gikan sa Sr Jesus Nazareno Parish padulong sa San Agustin Metropolitan Cathedral ug gihimo ang traslacion sa syudad kaganinang kadlawon.
Gibutyag ni Ledesma nga unta ang gihimo sa mga Kristiyano ang makahatag usab pagtabang ngadto sa isig-katawo.
Dugang sa arsobispo nga pinaagi sa debosyo sa Itim nga Nazareno unta mas molig-on pa ang pagtoo sa mga Kristiyano sa Ginoo.
Dumduman nga anaa sa 250-mil ka deboto ang gilauman nga moduyog sa traslacion diin miagi sa 24 ka nag-unang kadalanan gikan sa San Agustin Cathedral pabalik sa Sr Jesus Nazareno Parish kaganihang kadlawon.
Una nang gipasalig sa kapolisan ug militar ang hugot nga seguridad alang sa mga deboto nga moapil sa ika-siyam nga tuig nga traslacion ning syudad.
