CAGAYAN DE ORO CITY-Nagdumili pagkompirmar si City Vice Mayor Rainer ‘Kikang’ Uy sa propaganda nga gilugwa ni kanhi Mayor Vicente ‘Dongkoy’ Emano nga talikdan sa konseho si City Mayor Oscar Moreno.
Kini aron giingong paluyuhan si Cagayan de Oro 1st District Rep Rolando Uy kon modagan pagka-mayor aron atbangan si Moreno sa sunod piliay sa syudad.
Miingon si Uy nga dili angayan nga maguba ang maayong buot sa katawhan ilabina nga bag-o pa gisaulog ang kapaskuhan.
Una niini,gibutyag ni Emano nga hilom nang nagtagbo ang mga alyado ni Moreno sa konseho ngadto kang Cong Klarex aron pangandaman ang sunod eleksyon sa syudad.
Si Klarex ang gipukan ni Emano kaniadto pagka-mayor apan nakaduhaan usab pagparot pagsulod ni Moreno sa syudad gikan sa Misamis Oriental.
