CAGAYAN DE ORO CITY-Gihikay na ang kasong pagpamaligya sa ginadiling druga batok sa babayeng suspek nga nadakpan sulod sa Agora Public Market ning syudad kagahapon sa hapon.
Gibutyag ni Detective Management Desk o DMD head Sr/Insp Maricris Mulat nga dugay na nilang gipanid-an nga si Jovelyn Catapusan,hingkod ang panuigon ug nagpuyo sa Balingasag,Misamis Oriental.
Nakompiskar sa posisyon sa suspek ang lima ka pakete sa gitoohang shabu nga musumada sa 6 gramos ug kapin kon kulang P30-mil ang street value.
Gisuta pa sa mga otoridad kon asa gakuha sa supply sa druga ang suspek taliwala sa gipatuman nga hugot nga kampanya sa Duterte administration kalabot sa “war on drugs”.
