CAGAYAN DE ORO CITY-Napakyas ang CIDG-10 pag-presentar sa piskalya sa ilang dinakpan nga negosyanteng architect tungod sa kasong pagbaton sa illegal nga mga armas ning syudad kagahapong adlawa.
Kini human misu-ol ang giingong sakit sa kasingkasing hinungdan naka-confine sa ospital.
Gibutyag ni CIDG chief investigator SPO4 Noel Oclarit nga gipaubos nila sa inquest proceeding apan bugtong abogado lamang ni Architect Rey Galua ang mi-representar kaniya.
Tungod niini,maghulat una sa pila ka adlaw ang CIDG nga ma-resolbar ang kaso batok Galua dihang nangayo kini’g preliminary investigation o pagsang-at sa counter-affidavit sa pasangil kaniya.
Miingon si Oclarit nga ipaubos gihapon nila sa imbestigasyon si Galua sa pagsilbing person of interest sa kasong pagpatay kang late USTP president Dr Ricardo Rotoras sa syudad niadtong Disyembre 2017.
Una niini,namugos si Galua pinaagi sa iyang abogado nga si Atty Arturo Ubaub nga planted ang mga granada ug ubang armas nga na-rekober sa PNP atol sa search warrant operations sa miaging adlaw.
