CAGAYAN DE ORO CITY- Gitawag ni City Mayor Oscar Moreno nga nag-hallucinate o nagsalimuang si kanhi City Mayor Vicente ‘Dongkoy’ Emano.
Kini human unang gibutyag ni Emano nga sunod-sunod nang nagtigom ang mayoriya sa konseho kuyog si Cagayan de Oro 1st District Cong Rolando ‘Klarex’ Uy sa tuyo niini nga modagan pagka-mayor kontra kang Moreno.
Miingon si Moreno angay maghulat na lamang ni Emano sa tuig 2019 aron subli na usab sila nga mag-engkuwentro sa eleksyon.
Si Moreno,maoy bugtong nakapildi kang Emano sa ikaduhang higayon sa miaging pagkontra nila sa pagka-mayor sa syudad.
Una niini,gibutyag ni Emano nga mabinlan lamang sa usa ka kagawad si Moreno hinungdan nga mahimong sayon ang kadaugan ni Cong Uy sa election.
