CAGAYAN DE ORO CITY-Gipalig-on pa sa 4th ID,Philippine Army ang ilang kampanya batok sa kalihukan sa CPP-NPA nga naglihok sa Northern Mindanao ug Caraga Regions.
Kini human nahidangat na ang 65th IB gikan sa 9th ID,Philippine Army nga gilangkuban sa 500 ka miembro aron abagan ang pagsumpo sa CPP-NPA dinhi sa rehiyon.
Miingon si 65th commander Lt Col Richard Rabaca nga dili lamang sa suliran sa insurhensiya ang ilang pag-abag apan bisan sa pagtubag kon subli mahitabo ang pag-atake sa grupong Maute-ISIS ug sa kalamidad.
Una nang gibutyag ni 4th ID spokesperson Capt Joe Patrick Martinez nga kuyog sa 88th IB nga nakabase sa Bukidnon,sundon nila ang mando ni Pres Rodrigo Duterte nga wad-on ang mga kalihukan sa CPP-NPA nga bahad sa seguridad sa katawhan.
