CAGAYAN DE ORO CITY-Giawhag karon ni DTI regional spokesperson Atty Fel Brillantes ang mga konsumante nga alerto sa ilang pagpamalit sa batakang palaliton sa kamerkaduhan ilabina sa syudad.
Kini bisan nga mi-epekto na ang package tax o mas naila nga TRAIN law diin gipatungan sa dugang porsiento bayronon sa pipila ka palaliton sa publiko.
Giklaro ni Brillantes nga dili tanang batakang palaliton ang gipahamtanga’g buhis gawas lamang sa artificialsugar beverages sama sa softdrinks ug dirty fuel sa diesel.
Katuyuan sa umento nga mawad-ag gana ang publiko sa paggamit sa maong produkto ilabina sa sweetend beverages nga nag-unang hinungdan sa pagka-obese ug pagbaton sa type 2 diabetes sa tawo.
