CAGAYAN DE ORO CITY-Gipanalipdan sa Special Investigation Task Group-Rotoras ang ilang pagpalugwa sa dagway sa babaye nga gitoohan nila nga testigo sa kamatayon ni late USTP Pres Ricardo Rotoras ning syudad.
Miingon si SITG-Rotoras spokesperson C/Insp Mardi Hortillosa nga dili angay ikabalaka sa publiko ang seguridad sa maong testigo kay bayhon lamang kini nga mugna sa computer composite.
Gihimo sa SITG ang pagpagawas sa maong babaye aron maaghat kini sa paggawas ug makatabang sa pagsulbad sa kaso ni Rotoras.
Una niini,giila sa SITG nga person of interest o POI si Architect Rey Galua tungod sa sa iyang pag-angkon nga may away sila ni Rotoras sa wala pa kini mihawa sa USTP.
