CAGAYAN DE ORO CITY-Gikompirmar ni Special Investigation Task Group-Rotoras spokesperson C/Insp Mardi Hortillosa nga mando mismo ni City Police Director Sr/Supt Robert Roy Bahian pagpaggawas sa hulagway sa witness sa Rotoras case.
Siya miingon nga ilang gipakita sa social media ang hulagway sa witness aron mapadali ang pagsulbad sa kaso ug dili aron ibutang sa peligro ang kinabuhi ug sa iyang pamilya.
Hisayran nga nakadawat sa pagbatikos gikan sa netizens ang pagpakatag sa hulagway sa social media sa witness sa kasong pagpatay kang late USTP President Dr Ricardo Rotoras.
Samtang gisalig na lamang ni SITG-Rotoras spokesperson C/Insp Hortillosa sa mga imbestigador sa Rotoras case ang resulta sa pagpaggawas sa hulagway sa witness sa kaso.
Siya miingon nga daghan man ang wala makaangay sa ilang paagi aron dali mailhan ang witness, dako ang iyang pagsalig sa mga imbestigador nga naghupot sa kaso nga dili mabutang sa peligro ang kinabuhi sa witness.
Asoy pa niini nga gikinahanglan nilang mailhan ang witness sa pagtoo nga mao lamang kini ang makasulbad sa kaso.
