CAGAYAN DE ORO CITY-Pursigido ang Metro Cagayan de Oro Taxi Federation nga magpatuman ug usbaw sa pletihan sa mga taxi ning syudad.
Si Metro Cagayan de Oro Taxi Federation President Allan Gamba miingon nga ila nang gisugyot sa LTFRB nga tas-an ang flagged down rate sa mga taxi ingon man ang matag-metrohan niini.
Siya miingon nga angayan lamang nga magpahamtang sila’g tas-an nga pletihan ilabina nga dili normal ang presyo sa produktong petrolyo.
Samtang nanawagan si Gamba sa taxi operators nga ayohon ang ilang ihatag nga serbisyo sa mga drayber.
Kini sa panahon nga mapatuman ang fare increase ngadto sa mga pasahero.
Matud ni Gamba nga ilang ipasalig nga nindoton ang serbisyo sa mga pasahero kun ugaling motaas ang pletihan sa dakbayan.
Dugang pa niini nga panahon na aron usbawan ang pletihan ilabina nga taas-taas na nga panahon nga wala sila magpatuman sa dugang flagged down rate.
