CAGAYAN DE ORO CITY-Nanginahanglan og dugang magtutudlo ang Department of Education (DepEd)-Misamis Oriental.
Maoy gikinahanglan ang mga aplikante sa Elementary, Junior-High ug Senior High School.
Matud ni DepEd Mis-Or Education Supervisor Rhodora Gallares nga may pagahimoon sila nga orientation sulod sa duha ka adlaw alang sa mga aplikante.
Pinaagi sa himoong orientation, mapaabot sa mga aplikante ang ilang mga pangutana ug concerns sa pagpangaplay og trabaho.
Samtang giawhag ni Gallares ang mga aplikante sa pagka-magtutudlo nga bisitahon ang ilang official website.
Kini sa tumong nga ilang mahibal-an ang mga rekisitos nga gikinahanglan sa pagpangaplay ingon man ang venue kung aha himoon ang orientation.
Sumala pa ni Gallares nga makita usab sa mga aplikante ang mga puntos sa pagpangaplay.
