CAGAYAN DE ORO CITY- Napugos ug pauli ang usa ka amahan nga overseas Filipino worker o OFW gikan Saudi Arabia.
Kini human gipiyestahan sa internet ang hubo nga hulagway sa iyang tulo ka menor de edad nga mga anak.
Walay laing suspek sa krimen kundili ang iyang kapikas nga nailang si Jona Barros kinsa naka-uyab ug foreigner nga taga Amerika.
Segun sa sister in law sa suspek nga mismo ang uyab-uyab ni Barros ang nagpost sa law-ay nga mga hulagway sa interner sa iyang tulo ka hubo nga pag-umangkon.
Gumikan niini, daling gi-rescue sa CSWD ug Puerto Police Station ang mga bata.
Segun sa imbestigasyon ni PO2 Ritchel Maniabo sa PNP Anti-Cyber Crime Group,gipugos sa inahan ang iyang mga anak nga muhimo’g pornographic pose bugti sa dolyares nga salapi.
Ang mga biktima nag-edad sa 17, 5 ug 4 anyos.
