CAGAYAN DE ORO CITY- Kasuhan sa murder ang lalaki nga responsable pagpatay sa silingan niini diha sa Brgy Bugo ning syudad.
Miingon si Puerto Police Station commander C/Insp Ian Borinaga nga maoy ilang kasuhan si Crisante Andales,hingkod ang panuigon ug nagpuyo sa maong lugar.
Nasuta nga dugay nang gikabikil suspek ang biktima nga naila lamang sa apelyido nga Samante hinungdan sa pagpanunggab kagahapong adlawa.
Nakaangkon sa tulo ka samad sa dughan ang biktima hinungdan sa kamatayon niini.
Detinado si Andales sa mini-cell sa Puerto Police Station samtang isaka ang murder case sa piskalya sa syudad ning adlawa.
