CAGAYAN DE ORO CITY- Namugos ang PNP-10 nga walay maabuso nga tawhanong katungod sa programang Toktok Hangyo o Tokhang aron masalbar ang pipila ka tawo nga nagumon paggamit sa droga ug nagbaligya niini.
Gihimo ni PNP regional spokesperson Supt Lemuel Gonda nunot sa pagsupak sa pipila ka sektor nga ibalik ang paglusad sa Tokhang sa nasud.
Miingon si Gonda nga kadtong mga tawo lamang nga apektado sa Tokhang ang misupak hinungdang angay kining paluyuhan sa publiko aron mabatukan ang operasyon sa gidiling droga.
Hisayrang sa panahon ni kanhi PNP regional director C/Supt Agripino Javier,nagsilbing ikatulo ang Northern Mindanao nga may labing daghang Tokhang responders sa tibuok nasud niadtong tuig 2017.
