CAGAYAN DE ORO CITY- Patay sa disgrasya sa motorsiklo ang casual nga empleyado sa Cagayan de Oro Water District o COWD diha sa Pasil,Brgy Kauswagan sa syudad.
Giila ni PO3 Christopher Pagapulaan,imbestigador sa Carmen Police Station ang biktima nga si Orland Boriol,minyo ug residente sa Brgy Pagatpat sa dakbayan.
Miingon is Pagapulaan nga sakay sa motorsiklo ang biktima dihang kalit nahulog sa canal ug nabuak ang ulo.
Ipaubos sa otopsiya ang biktima aron masayran kon unsay hinungdan sa kamatayon niini.
Una nang gikompirmar ni Engr Eliezer Dy nga ilang kauban si Boriol ug lima ka tuig nang nagsilbing casual sa COWD-Kauswagan Office.
Samtang kasuhan sa kasuhan sa reckless imprudence resulting to homicide ang bus driver nga nakabangga-patay sa lalaki diha sa Brgy Agusan ning syudad.
Giila ang biktima nga si Antonio Dijos,hingkod ang pangidaron ug mismo nagpuyo sa maong lugar.
Padulong sa Butuan City ang biyahe sa bus nga gimaneho ni Anecito Galorio nga taga- Gingoog City dihang nabanggaan ang biktima.
Nakaangkon sa samad sa ulo ug lawas ang biktima hinungdan sa kamatayon niini.
Detinado sa mini-cell sa Puerto Police Station ang suspek nga si dihang mitahan human sa hitabo.
