CAGAYAN DE ORO CITY-Gipaubos karon sa imbestigasyon sa kapolisan ang usa ka tawo nga gikonsiderang person of interest pag-ambush sa kanhi kapitan sa Zone 7, Brgy Kinawe, Libona, Bukidnon.
Kini human akusahi ni kanhi Kinawe Brgy Kap Tarcisio Barros, 54 anyos nga usa ka Manuel Datu nga taga- Bugsok Poblacion ang responsable pag-ambush kaniya hinungdan sa kamatayon sa anak niini nga si Hope.
Miingon si Libona Police Station comamnder Sr/Insp Dino Cuevas nga anggulo sa bangi sa yuta ang gitan-aw nila nga nag-unang rason sa maong ambush.
Nasayran nga gikan sa ilang uma ang mag-amahang Tarcisio ug Hope dihang gipaulanan sa mga bala sa mga suspek gamit ang M-16 rifles sa miaging Sabado sa hapon.
