CAGAYAN DE ORO CITY-Nasikop sa kapolisan ang atol sa search warrant operation ang empleyado sa DepEd mismo sa pinuy-anan niini sa San Pedro,Brgy Gusa sa syudad kagabii.
Kini human gimando ni RTC Branch 22 Presiding Judge Richard Mordeno nga susihon ang pinuy-anan ni Jose Rafael Asnar tungod sa giingong pagbaton sa mga gidiling droga ug mga armas.
Mismo si Gusa Brgy Kag Camelo Sacala,chairman sa peace and order committee ang nakompirmar nga nagbaton sa ubay-ubay’ng armas ug gitoohang shabu si Asnar hinungdan gi-aresto.
Nasuta usab nga kanhi miembro sa brgy lupon kaniadto ang suspek sa ilang brgy.
Samtang kasuhan sa pagbaligya’g gidiling droga ug pagbaton sa illegal nga mga armas si Asnar nga unang nasikop diha sa Brgy Gusa ning syudad kagabii.
Kini human nakompirmar ni Agora Police Station commander C/Insp Allan Curato nga konektado sa DepEd ang suspek apan nag-trabaho isip clerk sa Agusan National High School ning syudad.
Kabahin sa mga nakuha nga armas ang kalibre 45,9mm pistol,replika sa long firearm ug ubay-ubay’ng gitoohang shabu.
Giangkon usab sa suspek nga nagbaton kini’g gidiling droga apan nakahukom na unta nga moundang apan naunhan lamang sa mga pulis hinungdan nga nadakpan.
